✓ Ka raste që drejtohen në një psikolog për shkak të një problemi specifik, personal ose familjar, p.sh. prindër që dyshojnë se fëmija i tyre ka krijuar varësi nga lëndë narkotike ose nga bixhozi, çifte që kanë debate të shpeshta, konflikte me adoleshent të vazhdueshme. Ka raste që ankesat janë lidhur me gjendje emocionale dhe psikofizike personale, si: mungesë kënaqësie, nervozizëm, shpërthime inati, të qara, pagjumësi, dhimbje që emërtohen si psikologjike, ku mund të përmendin “nuk di nga më shkaktohet” ose “nuk e di pse”. Ka raste të tjera ku kërkohet mbështetje psikologjike për të marrë një vendim të rëndësishëm ose për të mësuar më shumë për veten. Pra, janë motive të shumta dhe të ndryshme të cilat nxisin dikë të kërkoj një takim me një psikolog.

✓ Psikologu është një profesionist i shëndetit mendor, i cili është diplomuar, licensuar dhe trajnuar për të ardhur në ndihmë. Në marrëdhënien terapeutike është shumë e rëndësishme “kimia” mes psikologut dhe klientit,

✓ Sistemi nervor është një kompleks neuronesh, të cilat lidhen së bashku duke formuar një rrjet. Përmes realizimit të kërkimeve dhe studimeve të këtij rrjeti, shkencëtarët kanë krijuar ilaçe që ndihmojnë në përballimin e problemeve psikiatrike. Kompetent për rekomandimin e medikamenteve është psikiatri. Psikologu në raste kur e vlerëson të domosdoshme ose të nevojshme rekomandimin, e referon klientin te psikiatri. Pra, medikamentet janë një tjetër instrument që profesionistët përdorin për të ndihmuar në përballimin e problematikave dhe çrregullimeve. Rendësia e tyre është e vërtetuar, por përdorimi i tyre nuk është gjithmonë i dobishëm ose i nevojshme gjatë përpjekjes për t’u përballur me çrregullimin ose vështirësinë emocionale që një person përjeton. Ka raste ku medikamentet janë të domosdoshme, si dhe raste të tjera që vlen të shmangen, sikurse ka dhe raste ku kombinimi mes terapisë me medikamente dhe psikoterapisë mund të sjell rezultate më të suksesshme.  

✓  Fillimisht gjatë takimeve të para nevojtet të grumbullohen informacione dhe të vlerësohen problemi dhe mekanizmat që e krijuan dhe e mirëmbajnë atë, përmes pyetjeve dhe pyetësorëve që ju drejtohen. Në vijim, se bashku me klientin krijohet plani i ndërhyrjes dhe fillon terapia për arritjen e qëllimeve që janë vendosur

✓ Është një pyetje që nuk ka një përgjigje. Numri total i seancave ndikohet nga shumë faktor. E sigurtë është që qëllimi i terapisë nuk është të bëj klientin të varur nga psikologu dhe ta rëndoi ekonomikisht. Por, klienti duhet të jetë i vendosur ti kushtojë kohë vetes dhe të mos jetë në kërkim për ekzistencën e zgjidhjes magjike të problemeve të tij nga psikologu.  

✓ Zakonisht seancat gjatë periudhës terapeutike zhvillohen një herë në javë, por ka dhe raste që janë më të shpeshta ose më të rralla. Kjo ndikohet nga marrëveshja mes psikologut dhe klientit. Kohëzgjatja  e një seance është nga 45 minuta deri në një orë afërsisht.  

✓ Duke filluar terapinë nuk është detyrim ta ndjekësh për një numër të caktuar seancash. Nuk ke diçka për të humbur, praktikisht nëse nuk ndjen se po ndihmohesh mund të ndalosh, por ia vlen ta provosh diçka që do të lehtësojë nga problemet. Je i lirë të ndalosh sapo të ndihesh se u ndihmove dhe mund të vijosh vetëm përpjekjet. Nëse mendon për koston, mendo fillimisht nësë psikoterapia është një investim që ia vlen për të përmirësuar cilësinë e jetës.